ايمووووووووووني

احساس غريب لما تغيب ما بينتهيش

بيقولي ليه قسمه و نصيب و ازاي هعيش

ف الحلم دايما بفتكر لمسه ايدك

و ازاي بيحضن القمر ضحكه عينيك
قلبك يدق و بسمعه لو كنت فين

و بحس امتى هرجعه ازاي اليه

انا عايز اشوفك قولي اه و بلاش تلوم

لما المسك حلوه الحياه من غير هموم

من ساعه من ايمن الي لسى ما كملش 4 سنيين سافر و انا بجد حزينه

بحس اساس غريب فيه حزن و كئابه

مش بشتاق له و بس انا بجد نفسي اسافر له بريطانيا

ايمووني مش بس طفل بالنسبه لي

مش عارفه اوصف احساسي بايه و لا قد ايه وحشني جدا

يعني براءه الاطفال الي فيه لما يشوفني و يقولي نوجا

لما يشوفني و يجري عليا و يقولي فين بوسه حق ايمن

لما كلمني من اسبوع في الفون و قال نوجا ايمن وحشك و لا خلاص مش تحبي ايمن

فرحت اوووي انا فضل يزن على مامته و باباه عاوز اكلم نوجا

كان هاين عليا انط من الموبايل اروح له و احضنه

هو طفل مش عادي

لما اكون راجعه من شغلي و مش طايقه نفسي من غلاسه الدكتور و الاقي ايمن ف وشي

بابتسامته و يحضني و يبوسني

يبص لي باستغراب انا ليه زعلانه

و يقولي noga is bad .. noga is mad

طفل مليان حيويه و نشاط و براءه و الضحكه مش بتفارقه خالص

تضحك له تلاقيه بيضحك

تزعق عليه برده بيضحك

و هو بيلعب بيضحك

حتى لما بيبكي برده بيضحك

ايمووون وحشتني :( :(