اشمعنى فارو سولتو و نانوس و هبه و موني

بقه لي فتره اللاب توب عطلان و لما دخلت مدونات اصحابي لقيتهم كاتبين عن 2008
قلت اشمعنى هما و بما اني دلوعتهم و حبيبه قلبهم كلهم واحد واحد و الي فيهم ينكر ده يبقى كداب :@
ما علينا
نقول تاني :D
2008
اول شهر كان يناير كان عيد ميلادي
كان احسن عيد ميلاد عدى عليا لعده اسباب
1. ان صاحبتي من ايام اعدادي رجعت امريكا يوم عيد ميلادي
2. ان شخص عزيز عليا اووووووووي رجع امريكا قبل عيد ميلادي بيوم
فرحتي ساعتها كانت غير طبيعيه لان الشخص ده انا و هو اتولدنا في نفس اليوم و اتربينا مع بعض
لما كنا في اليمن كان باباه سفير مصر في اليمن و بابايا كان مساعد وزير ايامها
اتربينا مع بعض ... رحنا كاثوليك سكول مع بعض و لما طلعنا من اليمن مفروض هما يرجعو مصر بس كانت الظروف انهم سافرو معانا
اتبهدلنا مع بعض و كبرنا مع بعض ........... كانت اخر مره شفته و انا عندي 17 سنه
و رجع و انا عندي 23 سنه
لما رجع الناس كلها استغربت عليا لما شفته جريت عليه و حضنته و بكيت
لما قلت لهم ده كريم محدش صدقني حتى اهله الي ما كانوش يعرفو عنه حاجه خالص
بس انا عرفته و اتبسطت جدا اني شفته مره تانيه مع انه رجع اختفى و بيتصل بيا بس ما اعرفش رقمه :(
يمكن اه و يمكن لا ما يشوفش البوست ده بس احتمال يشوفه ... يا ريت يا كيمو تطمني عليك

فبراير لحد مايو كانت فتره مقرفه
امتحانات و عدم نوووم لوش الفجر
مش هنكر الفتره دي انا حصلت لي حاله لا مبالاه و اكتر حد عانى من الحكايه دي اهلي و امجد و مريم و اصحابي في الجامعه
حصلت عندي حكايه اني بقيت مش بهتم بمشاعر الناس خالص لدرجه تخوف
كنت ازعل الناس مني و اتقمص و اعمل اني زعلانه و مش بعتذر مع اني لما بغلط بعتذر على طول و مش بشوفه عيب اني اتاسف لحد
وصلت بيا اني كنت بتخانق مع ماما كتير و بكون انا غلطانه
براجع نفسي و اقول انا ليش عملت هيك بس برجع و اقول نو مش هعتذر
ماما دايما و هي بتتخانق معايا و بتقول اني تعبت قلبها و اعصابها بس ف الفتره دي بالذات اكتر حد اتحملني كانت ماما و امجد و روني

يونيو لحد اغسطس
كانت فتره حلوه
دراسه و شغل و شقاوه و خروج .... ممكن اقول انها اكتر شهرين فاتوره موبايلي ضربت فيه كانت في العلاالي
اول مره تحصل ان فاتوره موبايلي توصل ل 2500

من سبتمبر لديسمبر
كانت فتره كويسه بالنسبه لي يمكن عشان ما كنتش بدرس خالص فيها
بصراحه اكتر فتره كنت فيها ريلاكس هي الفتره دي

************

ع مستوى العائله الكريمه في السعوديه
اكتر مشاكل و خناقات حصلت لي معاهم و تصادم افكاري و افكارهم كانت في سنه 2008
عيلتنا الي في السعوديه و بيت العيله مش عاجبها ان بنت في العيله تعدي سن العشرين و مش متجوزه او ع الاقل مخطوبه
مع اني قرايبي الي بره السعوديه عايشيين حياتهم زيي و اكتر مني كمان
كانت اكتر صداماتي مع اصغر اعمامي
متدين جدا و كل حاجه عنده لا و حرام
كان معترض جدا على فكره اني مش محجبه
و لما ابتديت اطول لبسي و يبقى واسع و البس طاقيه و شال بدل الحجاب برده اعترض و قال ان ده تزييف لكلام ربنا
و لما حتى حبيت التزم بالحجاب ما عرفتش للاسف لاني ما عرفتش
لبست الحجاب في اخر سنه 2008 و حصلت كتير اني بتناقش مع نفسي عن الحجاب و بسال كتير
بس لقيت اني لسى مش مقتنعه بيه تماما
انا طريقه لبسي للحجاب مش عاجبه حد من اصحابي في مصر و اهلي في السعوديه


**********************

ع مستوى الشغل
في بدايه 2008 كانت سنه متعبه خصوصا اني في شغلي كنت بتدلع بس الشغل الي استلمته اخر 2007 و بدايه 2008 كان غير كل الي انا اشتغلته
انا كان اخري و كتير عليا لو اشتغلت اكتر من 5 ساعات
لو زودت عن كده كنت بتعب و ظغطي ينزل و ينقلوني المستشفى
تلات اشخاص كانو دايما ينتقدوني و يبهدلوني بصراحه اني دلوعه و مش بتاعه شغل و قالو لي نغ نغ انتي ما تنفعيش تشتغلي مع مرضى نفسيين و كانو بابا و ماما و امجد
تخيلو كده التلاته دول كانوا لو قالو لي شمال يبقى شمال و انا مغمضه يبقى هما برده الي سببو لي احباط و كان بيسبب لي هبوط حاد في ظغط الدم و ع المستشفى على طول
بس دي الوقتي اكتشفت ان بهدلتهم ليا نفعتني اوووي و عرفت انهم اكتر 3 بيخافو عليا
و على رائي المثل يا بخت من بكاني و بكى عليا و لا ضحكني و ضحك الناس عليا

انا ابتديت مساعده دكتور دي الوقتي بقيت ماسكه االحسابات و اداره el health department
i was a general manager رقوني
the supervisor و بقيت
بقيت مسؤله عن 7 بيشتغلو و مفروض اديهم اوامر و انا اصغر حد فيهم
غير العيانيين الي بشوفهم
و ع الاقل بشوف في اليوم 40 عيان ده لو مش مشغوليين جدا

اما في المدرسه الي بشتغل فيها فا انا اصغر معلمه في المدرسه و يمكن اشقاهم و طلابي اطول مني
بقه لي سنتين بدرس الصف التامن و مش بعامل طلبتي ع انهم طلبه و انا معلمه و اشخط و انطر
انا حتى لما حد فيهم بيعصبني من العصبيه و الزعل الي انا فيهم بيراضزني بشوكلاه و اضحك
نفسي اروح المدرسه و اكشر في وش الطلبه بتوعي بس بلاقي نفسي بضحك
خصوصا لما امجد و عمر و عبدو و رامي و زين بيقعدو يعملو فيا مقالب و ينكتو و يضحكوني
برده اترقيت في المدرسه و بقيت معلمه صف تامن و في نفس الوقت نائب مدير المدرسه
بعد ما كنت مسئوله عن 15 طالب بقم 2500 طالب في المدرسه

*****************

ع المستوى الصحي
فالحمدلله من اول رمضان لحد الاسبوع الي فات و انا حاجزه اوضه في المستشفى باسمي لاني دخلته طول الفتره دي لان ظغطي يا بينزل و يهبط يا بيعلى و يضرب :D
ظغط غبي و مجنون زي صاحبته looool

ع المستوى العاطفي
اغنيه حماقي كفيله توصف حالتي الي بقى لها تلات سنيين

حياتي وهو مش فيها .... سنين عدت رضيت بيها
وفاكر لو قابلت عنيه ........ عادي جدا هعديها
واديك يللي افتكرت انسيت .... قابلتو الليلة واتهزيت
طب ازاي في حاجات بتموت وتيجي الصدفة تحييها
وافتكرت لما جت عيني في عينو .. سنيني معاه
وافتكرت وعد كان بيني وبينو .. زمان خدناه
وافتكرت مسكتو في إيدي .... وإيدي خلاص سيباه
قصادي عيونو محتارة ..... يقرب ولا يدارا
جه اليوم اللي اشوفو أنا فيه وما نتكلمش ياخسارة
دي صعبة عليا واعمل إيه .. مافيش في إيديا شيء تاني
خلاص أهو اسمي شفت عنيه ...... عشان دي بجد وحشاني

*****************

ع مستوى اصحابي
كانت احلى سنه في اخرها لاني اخير حكيت مع صاحبتي الي روحي فيها رودي
من لما سافرت ع السعوديه و انا ما بعرف عنها شي و اخبارها انقطعت خالص
كان بقه لي اكتر من سنه ما اعرفش عنها حاجه و فرحت اوووي انها كلمتني من اسبوع
حسيت اني كنت طايره من الفرحه
في السنه دي برده اتعرفت على صديق جديد
لبناني عراقي بس انظف شخصيه عرفتها بجد
قلبه انظف من الحليب .... مع انه عنده 27 سنه بس نظافه قلبه و طيبته تحسسك اننه لسى بيبي

في السنه الجديده دي حابه اشكر الاتي اسمائهم
1. سولتو
2. امجد
3. مريم
4. هبه
5. فارو
6. ياسمين

عاوزه اقولكم صحيح اول معرفتي بيكم كانت من موقع من ع النت
و ان ناس كتير وقفت ضد صداقتي بيكم و قالو لي ان صداقه النت مش بتدوم و كلها غش
بس انا كنت مراهنه على صداقتكم و الحمد لله ما خيبتوش ضني فيكم و اثبتم للكل ان نوغا حد مهم عندكم
و لو في كلام يوفيكم حقكم صعب اقولو او اوصف انا بحبكم بشكل مش طبيعي ازاي
يا رب المحبه تدوم و افضل اقرفكم على طول و الجدع فيكم يعترض :D:D

و دي الوقتي يلا ما اشوفش حد فيكم هنرش :D:D