my 2nd family

اصحابي بعتبرهم حاجه مهمه اوووووي في حياتي
ما اقدرش استغنى عنهم
او يجي يوم و ابطل اعرفهم
عرفت ناس و اصحاب كتير بس الي هكلم عليهم دول يعتبرو اقرب ناس ليا

البيبي ده شبه هند صاحبتي الانتيخ
كل ما تتعصب و تتجن بتعمل نفس الحركه دي
و طبعا مروان جوزها و ايمن ابنها و نوغا صاحبتها يطفشو بلد :D

البنوته دي شبه روضى صاحبتي برده و تؤام روحي
كل ما نكلمها في موضوع تبص لي البصه دي
وحشتني اووووووي و وحشني جنانا و مقالبنا الي بنعملها في روني
امتى ترجعي من السعوديه بقه :(



الاخ ده بيفكرني بروني صاحبي و صديقي و زميل دراسه و رفيق دربي
و سبب ارتفاع ظغطي بسبب عبطه و طيبته الزياده عن اللزوم
كل ما كنا نيجي نكلمه انا و روضى يبص لنا البصه دي
و كاننا بنادن في مالطا :D
نقوله يمين يجي لنا شمال
و دايما ماسك لي عقده انا راجل و انتو بنات مسؤوليين مني
كل ما كنا نخرج مع بعض كان يصمم يدفع لنا الحساب
و مش مره و لا اتنين ده كل مره
الواد يا عيني كان بيخسر كتير بسببنا و احنا عرفنا بعض في 2004
و لحد 2007 و هو كان بيصرف علينا
بس اهم ميزه فيه اني عمري ما شفت حد في كرمه و شهامته بجد
روني وحشتني اووووووووووي

فارو ... مارجو ... مرمريتوس.... مرميتا ... مرجريتا ... مارو
دب الباندا .... ماري .... مرمر .... مارو... ماري
بحسها شبه البنوته دي اووووووووووووي
مش مقتنعه بيكي باللون الاسود يا مارو
ملامحك ملامح بنوته غربيه من باريس
البنت الرقيقه الي شعرها اصفر و عينيها ملونه و فيها براءه ما اتوجدتش في حدا
فارو للاسف انا بعلنها قدام البشر و بقولك بحبك
يلا كله بثوابه :D:D:D


سولتو ..... شريكي في الشركه و الملل و الخناقات و كره تامر حوستي
سولتو الرجل الاخضراني
حاساه شبه البيبي ده ليه عشان اللون مشترك
و عشان ضحكه البيبي دي بريئه و فرش و فيها امل
سولتو نفس الحكايه فيه براءه و امل و ع طول فرش
اكتر حد اتحمل شتيمتي ليه لما بكون مش كويسه
احلى حاجه بتعجبني فيها انه بيتصدم اما بتصل بيه و اقوله محمد ازيك
بيحسسني اني بكلم محمد غيره :D:D


امجد باشا .... هندسه
ميجو و البيبي ده فيهم حاجه in common
نظرتهم الي كلها دفئ و حنيه
ابتسامه خفيفه فيها فيها الف معنى
اكتر حد بثق فيه و بلجاء اليه
في فرحي و دمعي و جرحي و سعادتي بيبقى اول العارفين
اكتر حد بحب اتكلم معاه و بيفهمني من غير ما اتكلم
بقه يعرف امتى بزعل و امتى بفرح و ايه يدايقني و ايه يسعدني



البيبي ده شبه صاحبتي هيام
صحبه من اول ما اتولدنا لحد دي الوقتي
فيها حنيه و خوف عليا ما شفتهمش غير من شخص واحد بس
كل ما احكي لها حاجه تقولي
oh lord... jesus ... my god
على طول و هي مخضوضه عليا و كاتها مامتي
و ع طول متابعاني و بتربيني زي ما بتربي ابنها ريآن
وحشتيني يا ام الولد
من اول ما عرفت انها حامل و انا كنت بقولها ام الولد ام الولد
و الكل كانو عاوزينها تخلف بنت و انا بقولهم لا ولد
و هي فضت تروح للحكيم عشان يشوف اذا ولد و لا بنت
بس قبل ما تولد باسبوع قولت لها هيام ولد عشان اجوزه بنتي
و لما راحت تولد جابت ولد
عدنان جوزها اتصل بيا و قالي عريس بنتك وصل يا نغ




مريومتي .... ماري .... تؤامتي انا
البنوته دي انا بمووووووووت فيها
حد قريب مني جدا مع اننا نعرف بعض من سنه بس
كل حاجه بنعملها زي بعض
لدرجه ان مامتي و مامتها مستغربيين مننا
و شاكين فينا ازاي فينا كل الحاجات دي زي بعض
حتى التفكير و التصرفات :D